أحمد الحرشاني يعلن مغادرته لقوافل قفصة و هذه وجهتة القادمة

أكد اللاعب أحمد الحرشاني عبر حسابه الرسمي على فيسبوك مغادرته صفوف قوافل قفصة، بعد مسيرة دامت 16 سنة داخل النادي، انطلقت من الأصناف الشابة وصولًا إلى الفريق الأول.

ومن المنتظر أن يمضي الحرشاني رسميًا مع النجم الرياضي الساحلي، في انتظار الإعلان الرسمي من فريق جوهرة الساحل خلال الأيام القليلة القادمة.

نص رسالة أحمد الحرشاني التي وجّهها إلى جماهير قوافل قفصة:

اليوم نكتب أصعب كلمات في حياتي الكروية… بعد ستة عشر سنة عشتهم من نهار لبست المريول وأنا صغير في الأصناف الشابة حتى وصلت للأكابر. ستة عشر سنة كبرت فيهم مع قوافل قفصة، فريق حومتي ودارنا، الفريق اللي ربّاني وعلّمني شنوّة معنى المسؤولية والتضحية.
عشت معاكم لحظات حزينة وفرحات، و صعوبات وانتصارات… وربّي كرّمني باش نكون جزء من الصعود للرابطة الأولى ونلبس شارة القيادة.
هذا شرف عمري ما ننساه. اليوم نغادر جمعيتي راسي مرفوع ، نحب نقول شكرًا من قلبي: شكرًا لزملائي اللاعبين، شكرًا لكل المدربين والإداريين اللي عاونوني، وشكر لجماهير القوافل… و نحب نشكر بأخص صحابي و نشكر ناس قفصة و ناس لقصر اللي عمرهم ما قصّروا وكانوا ديما سندي وعائلتي الكبيرة.
نمشي اليوم أما قلبي ديما باش يبقى أخضر وأصفر… وين ما نكون، باش نبقى ديما ولد قفصة وولد القوافل