النادي الصفاقسي و الاندية التونسية تنعي حمادي العقربي

نعت إدارة النادي الصفاقسي اليوم الجمعة، نجمها وقائدها  السابق حمادي العقربي بأسطر عنونتها "بالوادع الأخير" جاء فيها ما يلي :

"جل المصـاب وزاد همـنا الخبــــــــر حــــل المشيب بنـا والغــــم والسهــــــــر شل القلوب أسـى والبيـن مثلمـــــــــة والأرض مظلمـة يجتاحهـا قتـــــــــــــــر يمضي الزمان علـى هــــم أقلبـــــــه لو صب في جبـل لصـدع الحجــــــــــــر"

"والله كنا عايشين بحسك .. نقولو العقربي مازال بيناتنا ومازالت البركة .. اليوم قالولنا البركة فيكم في العقربي .. آمس في الأيام وأحنا صغار كنا نكتبو إسمك على الكورة اللي نكورو بيها في الحومة .. عشقناك .. حبينا لعبك .. حبينا حمادي الكوارجي الفنان ساحر الأجيال اللي تونس لكل تحلف بإسمو و اللي ما فماش ستاد فيك يا تونس ما خلاش فيه بصمتو .. حبينا حمادي الإنسان الطيب الرقيق الخجول المتواضع .. أيامات لتالي كنا نقولو حمادي ربي يشفيه .. اليوم نقولو حمادي ربي يرحمو .. اليوم انت مشيت وخليت لوعة وحزن في قلوب الصفاقسية الكل .. لا .. في قلوب التوانسة الكل اللي يعرفوك من قريب واللي يعرفوك من بعيد وحتى اللي عمرهم ما قابلوك وفقط تفرجو فيك .. أما زادا خليت ذكريات جميلة مطبوعة في قلوبنا ما يمحيهاش الدهر مهما طال .. حمادي باقي حي في قلوبنا مهما حيينا وسيرث حبه من بعدنا أجيال و أجيال كيما ورثنا حب الجمعية. الله يرحمك يا العقربي .. وداعا يا أسطورة ."

كما توجهت كذلك سائر الاندية التونسية بالتعازي لفقيد الكرة التونسية حمادي العقربي.