رشدي بالقاسمي لوزير السياحة : "السياحة في تونس مش كان بحر ورمل وصناعات تقليدية"

وجه الفنان التونسي رشدي بالقاسمي صاحب عرض "الكوبانية" رسالة إلى وزير السياحة روني طرابلسي دعاه من خلالها إلى تدعيم السياحة الثقافية والفنانين الذين يشتغلون على المحافظة على التراث اللامادي قصد تنويع النشاط السياحي وتغيير الصورة النمطية التي يحملها السائح الأجنبي على مكونات التنشيط السياحي في تونس.

وجاء في رسالة بالقاسمي التي وجهها إلى روني الطرابلسي عبر صفحته الشخصية على الفايسبوك مايلي : 
"رسالة لوزير السياحة. 
السياحة في تونس مش كان بحر و رمل و صناعات تقليدية، 
فما حاجات أخرى مهمة أيضا، و منها دعم السياحة الثقافية و من واجب وزارتك تدعمها، و تدعم الفنانين الي يشتغلوا على الموروث الشعبي اللامادي باش تتبدل شويا صورة تونس في ذهن السايح الي ما يقعدلوا و للأسف في بالو كان صورة الجمل و الطبال و الراقصة الي لابسة ملية و هازا قلة على رأسها. 
حاجة أخرى، ها الفرق الفلكلورية الي تقدم في عروض باسم تونس و باسم الفن الشعبي و التراث لازم يعاد النظر فيها و تطويرها و خاصة دعمها باش يوالموا العصر، و هذا زادا من دور وزارتك بما انو وزارة الثقافة مش قاعدة تخدم في خدمتها في ها المجال و مهمشة الفن الشعبي، و نتمنى ان وزارتك تقوم بدورها في ها المجال ... رشدي بلقاسمي"